योगदान राष्ट्रका लागि- युएईका पदाधिकारी र सदस्यहरूले दिए सामूहिक राजीनामा

काठमाडौं । योगदान राष्ट्रका लागि- युएईका सम्पूर्ण पदाधिकारी र सदस्यहरूले सामूहिक राजीनामा दिएका छन् । संस्थाभित्रै धेरै व्यक्तिगत त्रुटि, असहयोगी र अस्वीकार्य व्यवहार देखिन थालेपछि आफूहरू सामूहिक रूपमा बाहिरिएको उनीहरूको भनाई छ ।

सुधार गर्ने धेरै प्रयास गरिए पनि केन्द्रीय तहका व्यक्तिहरूसँग संस्थागत विषयमा कुरा राख्दा दुर्व्यवहार, अपमानजनक बोली र असान्दर्भिक आरोप लगाइएको उनीहरूको भनाई छ ।

उनीहरूले भनेका छन्- केन्द्रीय अध्यक्ष/परिकल्पनाकार स्वयम् नै सदस्यहरूमाथि “खा* पा*, भिखारी, तो*” जस्ता अत्यन्तै तुच्छ शब्द प्रयोग गरी अपमान गर्न थालेको कार्य अत्यन्तै दुःखद र निन्दनीय रहेको छ। युएई अध्यक्ष राजु शर्मा जस्ता समर्पित व्यक्तिलाई जबरजस्ती संस्थाबाट निष्कासन गरिनु र उहाँको नैतिकता र चरित्रमाथि अनावश्यक र बेसलेस आरोप लगाई प्रश्न उठाइनु हामी सबैका लागि अत्यन्त पीडादायी रह्यो।

सामूहिक राजीनामा दिनेहरूको विवरण :

१) राजु शर्मा (अध्यक्ष )

२) मुक्ति उप्रेती (उपाध्यक्ष )

३) भूमि राज कँडेल (कोषाध्यक्ष )

४) नरेन्द्र खड्का (सदस्य )

५) शर्मिला कार्की (महिला संयोजक)

६) प्रकृति रेग्मी (सदस्य/आजीवन सदस्य)

७) राजु खत्री (सल्लाहकार/आजीवन सदस्य)

८) देव शर्मा (सल्लाहकार/ आजीवन सदस्य)

९) राम प्रसाद तिवारी (सांस्कृतिक संयोजक )

१०) हरि प्रसाद ढकाल(सल्लाहकार )

११) सोभा कडरिया (साधारण सदस्य )

१२) रन्जिता कुँवर (सदस्य महिला विभाग)

१३) दीपक खनाल (सदस्य)