दुर्गा प्रसाईँलाई २४ घण्टाभित्र उपस्थित गराउन सर्वोच्चको आदेश

काठमाडौं । नागरिक बचाउ अभियान नेपालका संयोजक दुर्गा प्रसाईंलाई २४ घण्टाभित्र उपस्थित गराउन सर्वोच्च अदालतले आदेश दिएको छ ।

प्रसाईंका छोरा निराजन प्रसाईँले दायर गरेको बन्दी प्रत्यक्षीकरण रिटमा न्यायाधीश मेघराज पोखरेलको इजलासले कारण देखाउसहित प्रतिवादीलाई उपस्थिति गराउन आदेश दिएको हो ।

आन्दोलनको तयारीमा रहेका प्रसाईँलाई अराजक अभिव्यक्ति दिएको भन्दै प्रहरीले सोमबार मध्यराति भक्तपुरस्थित घरबाट पक्राउ गरेको थियो । उनलाई ४ दिनको म्याद थप गरी हिरासतमा राखिएको छ ।