गृहमन्त्रीलाई सुधनको चेतावनी- हाम्रो मौनता कमजोरी नठान्नू, जनआन्दोलनको ज्वालामुखी उठ्दैछ

काठमाडौं । हामी नेपालका संस्थापक सुधन गुरुङले गृहमन्त्री ओमप्रकाश अर्याललाई आफूहरूको मौनतालाई कमजोरी नठान्न भन्दै जनआन्दोलनको ज्वालामुखी उठाउने चेतावनी दिएका छन् ।

मध्यरातमा सामाजिक सञ्जालमा ‘द काउन्सिल अफ जेन-जी’ को व्यानरमा आफ्ना धारणा राख्दै गुरुङले हिजोको सिमरा घटना गृहमन्त्रीको लाचारीपनले भएको आरोप लगाएका छन् । जेन-जीको शान्तिपूर्ण कार्यक्रममा एमालेद्वारा परिचालित ‘गुण्डा’ प्रवेश गरी अपमान र कुटपट गरेको उनको दाबी छ ।

सुधनको भनाइ छ- गृहमन्त्रीले आफू आन्दोलनको म्यान्डेटबाट, सडकमा बगेको रगतबाट, र Gen Z भाइबहिनीहरूको बलिदानबाट गृहमन्त्री बनेको कुरा बिर्सिएको देखेर लाज पनि लजाइसक्यो। यदि गृहमन्त्रीले राजीनामा नदिने हो भने, भ्रष्टाचारीहरू र हत्याराहरुलाई समात्न सक्दैन भने, देशको परिवर्तनका लागि लड्ने योद्धाहरू माथि कुटपिट हुँदा कानमा तेल हालेर, हात बाँधेर बस्छ भने र उल्टै देश प्रेमी भाइबहिनीहरूलाई पक्राउ गर्छ भने “मलाई पनि पक्राउ गर” राष्ट्रिय अभियान चलाउने चुनौती दिन्छु ।

हत्याराहरुले हामीलाई खुल्ला चुनौती दिँदै हिड्ने र सरकार चुप बस्ने हो भने यो ज्वालामुखीको उभार ठूलो हुने वाला छ । हेक्का रहोस् । आज देखिएको प्रतिक्रिया त केवल एउटा झल्को मात्रै हो के हुन सक्छ भन्नेको। हाम्रा दाजुभाइहरूलाई छोएर कसैलाई खेल्न दिने छैनौं । हाम्रो मौनतालाई कमजोरी नठान्नू ।

पछिल्लो समय गुरु मन्त्री अर्यालविरुद्ध खरो सुनिदै आएका छन् ।