काठमाडौं । उज्यालो नेपाल पार्टीका केन्द्रीय सदस्य डा. विशालकुमार भण्डारीले आजको सिमरा घटनाले दलहरू जिम्मेवार बन्नैपर्ने कठोर सत्य फेरि एकपटक उजागर गरेको बताएका छन् ।
सामाजिक सञ्जालमा स्टाटस लेख्दै डा. भण्डारीले जेन-जी शहीद, परिवार र घाइते एवं मुलुकको परिवर्तन लक्षित गर्दै एमाले नेताहरूले निरन्तररूपमा दिइरहेका गैर-राजनीतिक र संवेदनहीन अभिव्यक्तिहरूले समाजमा तनाव झनै बढाउने, परिस्थितिलाई जटिल बनाउने र द्वन्द्वलाई पुनः भड्काउने जोखिम देखिएको जिकिर गरेका छन् ।
‘७६ जनाको ज्यान जाने गरी भएको बर्बरताप्रति तत्कालीन ओली नेतृत्वको सरकार र एमालेप्रति देशभरका युवापुस्तामा अझै गहिरो आक्रोश छ भन्ने विषय पुन: उजागर भएको छ’, उनको भनाइ छ ।
चुनाव समयमै नहुने अवस्था आए त्यसबाट सबैभन्दा ठूलो संकट दलहरूमा पर्ने भन्दै भण्डारीले अहिले दलहरूबाट अत्यधिक संयम, संवेदनशील र जिम्मेवार व्यवहार आवश्यक रहेको बताएका छन् । दलहरुको सोच र चेतनामा रुपान्तरण जरुरी रहेको उनको तर्क छ ।
Leave a Reply