रेशम चौधरीको नागरिक उन्मुक्ति पार्टी नेपाल पार्टी दर्ता, साढे ११ बजे प्रमाणपत्र दिइँदै

काठमाडौं । रेशम चौधरीको नागरिक उन्मुक्ति पार्टी नेपाल दर्ता भएको छ । दल दर्ताका लागि चाहिने सबै प्रमाण पुर्याएपछि र केन्द्रीय समितिका सबै पदाधिकारी तथा सदस्यले सनाखत गरेपछि आयोगले मंगलबार दल दर्ता गर्ने निर्णय गरेको हो ।

दल दर्ता भएपछि चौधरीसहित पार्टीका पदाधिकारी निर्वाचन आयोगको कार्यालयमा आज बिहान साढे ११ बजे दल दर्ताको प्रमाणपत्र लिन लागेको रेशम चौधरीले नेपाल प्रेसलाई जानकारी दिए । रञ्जिता श्रेष्ठ अध्यक्ष रहेको नागरिक उन्मुक्ति पार्टीका संरक्षण रहेका चौधरीले छुट्टै दल दर्ता गराएका हुन् ।

बामदेव गौतम नेतृत्वको नेपाल कम्युनिष्ट पार्टी एकता अभियान माओवादी र समाजवादी सहितको नेपाली कम्युनिष्ट पार्टीमा एकिकरण भएपछि  दल खारेजका लागि गौतमले मंगलबार निवेदन दिएपछि खारेज भएको छ । मंगलबार गौतमको दल खारेज र चौधरीको दल दर्ता भएसँगै निर्वाचन आयोगमा दर्ता भएका दलको संख्या १२५ पुगेको आयोगका प्रवक्ता समेत रहेका सहसचिव नारायणप्रसाद भट्टराईले नेपाल प्रेसलाई जानकारी दिए ।