दिल्लीमा कारभित्र विष्फोट हुँदा ८ जनाको मृत्यु

दिल्ली । भारतको दिल्ली शहरको रातो किल्ला नजिकै कार विस्फोट हुँदा कम्तीमा आठ जनाको मृत्यु भएको छ। सो विस्फोटमा कम्तीमा २० जना घाइते भएको स्थानीय टेलिभिजन च्यानलहरूले बताएका छन् ।

विस्फोटको कारण तत्काल स्पष्ट भएको छैन। छिमेकी उत्तर प्रदेश क्षेत्र र भारतको आर्थिक राजधानी मुम्बईलाई उच्च सतर्कतामा राखिएको स्थानीय सञ्चारमाध्यमहरूले जनाएका छन्। घटना रातो किल्ला मेट्रो स्टेशन नजिकै भएको हो।

अनलाइन सेयर गरिएका भिडियोहरूमा दिल्लीको पुरानो क्षेत्रको भीडभाड सडकमा ध्वस्त भएका धेरै गाडीहरू देखिएका छन् भने प्रहरीहरूले क्षेत्र सुरक्षित पार्दै भीडलाई पछाडि धकेलेका छन्। नयाँ दिल्लीका दमकल उपप्रमुखका अनुसार विस्फोटले ६ वटा गाडी र तीन वटा अटो-रिक्सामा आगो लागेको छ।

नयाँ दिल्ली प्रहरी आयुक्त सतीश गोल्छाले विस्फोट साँझ ७ बजेतिर भएको बताए।

‘रातो बत्तीमा रोकिएको सुस्त गतिमा गुडिरहेको गाडीमा विस्फोट भयो। त्यसबाट नजिकका गाडीहरू पनि क्षतिग्रस्त भए,’उनले पत्रकारहरूसँग भनेका छन् र स्थिति नियन्त्रणमा रहेको बताएका छन्।

१७औँ शताब्दीको रातो किल्ला, जुन पहिले शाही दरबार थियो, प्रमुख पर्यटकीय आकर्षण हो। अल जजीरासँग कुरा गर्दै स्वतन्त्र पत्रकार अमित बारुआले सो क्षेत्रलाई ‘शहरको सबैभन्दा भीडभाड भएको भाग’भनेका छन्, जसले यसलाई ‘आक्रमणको जोखिममा’ बनाएको बताए।

बारुआका अनुसार सोमबारअघि नयाँ दिल्लीमा यस्तो घटना लामो समयदेखि भएको थिएन ।