जेनजी रिभोलुसनका संयोजक अर्जुन शाहीले पत्रकार सम्मेलनमार्फत ‘षड्यन्त्रको पर्दाफास’ गर्दै

काठमाडौं । जेनजी रिभोलुसन नेपालका संयोजक तथा आन्तरिक सरकार गठन गर्ने वार्ता समितिका सहसंयोजक अर्जुन शाहीले आज पत्रकार सम्मेलन गरेर आफूविरुद्ध भएको षड्यन्त्रको पर्दाफास गर्ने बताएका छन् ।

केही दिनअघि पक्राउ परेका शाही रिहा भएपछि आफूविरुद्ध क-कसले षडयन्त्र गरे भनेर पत्रकार सम्मेलनमार्फत जानकारी दिन लागेका हुन् । शाहीले आफूलाई फसाउन जेनजी आन्दोलनको उपलब्धि हत्याउन एकाएक जेनजी अगुवा बनेर आएका केही हाइज्याकरहरु संलग्न रहेको बताए ।

जेनजी आन्दोलन र त्यसको उपलब्धिबाट नेता बन्न खोजेका केही अभियन्ताले आफूलाई साइड लगाउन प्रयास गरेको र नयाँ तथा पुराना दलका नेता मिलेर फसाउन खोजे पनि आफू कानूनबमोजिम नै बाहिर आएको दाबी गरे ।

केही जेनजी अगुवा भन्नेले पहिचानवादी राजनीतिका नाममा जातीय विखण्डन ल्याउन खोजिरहेको र कतिपयले आफूलाई नै सर्वेसर्वा बनाएर सरकारलाई दबाब दिइरहेकाले आन्दोलनको मुख्य घटक जेनजी रिभोलुसन राजनीतिबाहिर रहेर एजेण्डामा काम गर्ने उनको भनाइ छ ।