काठमाडौँ । ठूलो दलको हैसियतमा मधेश प्रदेश प्रमुख सुमित्रा भण्डारीले नेकपा एमालेका संसदीय दलका नेता सरोज यादवलाई मुख्यमन्त्री नियुक्त गरेपछि उनी विवादित भएकी छिन् ।
सोमबार कानून व्यवसायीहरुसँग परामर्शपछि सरकार गठन आह्वान गर्ने तयारीमा रहेकी भण्डारीले त्यसो नगरी सोमबार बिहान हठात् प्रदेश राजधानी बाहिर होटलमा धारा १६८ उपधारा ३ अनुसार मुख्यमन्त्री नियुक्त गरेपछि उनलाई हटाउनु पर्ने आवाज उठेको छ ।
रष्ट्रिय मुक्ति पार्टी नेपालका महासचिव केशव झाले मधेश प्रदेशमा संविधानको घोर उल्लंघन भएको बताउँदै सभामुख रामचन्द्र मण्डलमाथि महाभिवयोग लगाउन र प्रदेश प्रमुख भण्डारी हटाउन मधेशको सर्वदलीय डेलिगेसन राष्ट्रपतिकहाँ जानु पर्ने सझुाएका छन् ।
उनले फेसबुकमा लेखेका छन्, ‘झुठ, फरेब, धोकाधढी गरेरै सत्ता सञ्चालन गरेका राज्यधारीहरुले फेरि एकपटक मधेश प्रदेशमा संविधानको घोर उलंघन र लोकतान्त्रिक मूल्यमान्यताको धज्जी उडाएका छन् । दुईवटा काम सँगै गरौँ, पहिलो सभामुखमाथि महाअभियोग लगाउँ र सर्वदलीय डेलिगेसन राष्ट्रपति कहाँ पुगि प्रदेश प्रमुख हटाउन लगाऔं । साथै सबै मिलेर एमालेविहीन मधेश प्रदेशको संकल्प लिउँ। विधि प्रक्रिया नमान्ने पार्टी चाहिदैँन।’
Leave a Reply