जबरजस्ती करणीको आरोपमा एक जना पक्राउ 

डोटी । जबरजस्ती करणी गरेको आरोपमा एक जना पक्राउ परेका छन् ।

जिल्लाको दिपायल सिलगढी नगरपालिका १ का ५२ वर्षीय ओम प्रकाश चन्द नावालिकालाई जबरजस्ती करणी गरेको आरोपमा पक्राउ परेका हुन् ।

जिल्ला प्रहरी कार्यालय डोटीले दिएको जानकारी अनुसार चन्दले स्थानीय १३ वर्षीया बालिकालाई कुरीको झाडीमा लगि बलात्कार गरेको जानकारी आएपछि चन्दलाई पक्राउ गरिएको हो । शनिवार बालिकालाई जबरजस्ती करणी गरेको आफन्तहरूले इलाका प्रहरी कार्यालय, दिपायललाई जानकारी गराएका थिए ।

घटनाबारे थप अनुसन्धानका लागि अभियुक्त चन्दलाई हिरासतमा राखिएकाे प्रहरीले जनाएको छ ।