इन्डोनेसियाको राजधानी जकार्तामा विस्फोट, ५४ जना घाइते

काठमाडौं । इन्डोनेसियाको राजधानी जकार्तामा शुक्रबारको प्रार्थनाको समयमा एक हाई स्कूल परिसर भित्र रहेको मस्जिदमा विस्फोट हुँदा कम्तीमा ५४ जना घाइते भएको प्रहरीले जनाएको छ ।

उत्तरी जकार्ताको केलापा गडिङ क्षेत्रको नौसेना परिसरभित्र रहेको राज्य उच्च माध्यमिक विद्यालय एसएमए २७ को मस्जिदमा प्रवचन सुरु हुँदा दिउँसोतिर कम्तीमा दुईवटा ठूला विस्फोटहरू सुनेको प्रत्यक्षदर्शीहरूले स्थानीय टेलिभिजन स्टेशनहरूलाई बताएका छन् ।

मस्जिदभरि धुवाँ भरिएपछि विद्यार्थीहरू र अन्य आतंकित भएर बाहिर भागेको बताइएको छ । शहरका प्रहरी प्रमुख एसेप एडी सुहेरीका अनुसार अधिकांश पीडितहरूलाई सिसाका टुक्राका कारण चोट लागेको छ ।

समाचार एजेन्सी एपीका अनुसार बीस जना विद्यार्थी अझै अस्पतालमा छन् । जसमध्ये तीन जना गम्भीर घाइते छन् । अन्यलाई उपचारपछि डिस्चार्ज गरिएको छ ।

INDONESIA: MOSQUE EXPLOSION ROCKS SCHOOL COMPLEX

An explosion tore through a mosque inside a Jakarta school complex today – a scene of faith turned battlefield.

Dozens hospitalized, the floor slick with debris and blood.

Authorities found a body vest and firearms at the… pic.twitter.com/tw0aCcAwlc

— Mario Nawfal (@MarioNawfal) November 7, 2025