काठमाडौं । बिहार विधानसभाको पहिलो चरणको निर्वाचन बिहीबार बिहान ७ बजेदेखि सुरु भएको छ । मुंगेर जिल्लास्थित नक्सल प्रभावित क्षेत्र भीमबन्दमा २० वर्षमा पहिलो पटक मतदान भएको टाइम्स अफ इन्डियाले उल्लेख गरेको छ । समाचारअनुसार स्थानीयहरूले अन्ततः आफ्नो मताधिकार प्रयोग गर्न पाएकोमा खुशी व्यक्त गरेका छन् ।
बिहान ११ बजेसम्म २७.६५% मतदाताले मतदान गरेको भारतीय निर्वाचन आयोगले जनाएको छ ।
आयोगका अनुसार पहिलो चरणको विधानसभा चुनावको पहिलो चार घण्टामा बेगुसरायमा ३०.३७% मतदान भएको छ भने राज्यको राजधानी पटनामा बिहान ११ बजेसम्म २३.७१ प्रतिशत मतदान भएको छ।
मतदान सुरु हुँदा कम सहभागिता देखिएको लखीसरायमा ३०.३२ प्रतिशत पुगेको छ। अन्य जिल्लाहरूमा गोपालगञ्ज ३०.०४%, बक्सरमा २८.०२%, भोजपुरकम २६.७६%, दरभंगामा २६.०७%, खगरियामा २८.९६%, मधेपुरामा २८.४६%, मुंगेरमा २६.६८%, मुजफ्फरपुरमा २९.६६%, साहारामा २९.६६%, सहरमा २९.६८%, समस्तीपुर २७.९२%, सारन २८.५२%, शेखपुरा २६.०४%, सिवान २७.०९%, वैशालीमा २८.६७% मतदान भएको तथ्याङ्क छ ।
Leave a Reply