काठमाडौं । न्युयोर्क शहरका नवनिर्वाचित मेयर जोहरान ममदानीले मंगलबार राति आफ्नो विजय भाषणमा डोनाल्ड ट्रम्पलाई सिधा आह्वा गर्दै भने- ट्रम्प विभाजन र नातावादको राजनीतिको सामना गर्न दृढ योजनाका साथ सिटी हलमा प्रवेश गर्नेछन् । जसले उनलाई ह्वाइट हाउसमा पुर्याउन मद्दत गरेको थियो ।
पूर्व गभर्नर एन्ड्रयू कुओमोमाथि निर्णायक जितहासिल गरेपछि ब्रुकलिनमा समर्थकहरूलाई सम्बोधन गर्दै ममदानीले भने – न्युयोर्कले ‘राजनीतिक अन्धकारको क्षण’ मा ‘प्रकाशित’ हुने सङ्केत देखाएको छ।
ट्रम्पले कम्युनिस्ट भनेका जोहरान ममदानी न्युयोर्कको मेयरमा निर्वाचित, राखे यस्ता कीर्तिमान
‘यहाँ हामी ती मानिसहरुका लागि उभिने कुरामा विश्वास गर्छौं कि जसले हामीलाई माया गर्छ । चाहे तपाईं आप्रवासी हुनुहोस्, ट्रान्स समुदाय होस्, डोनाल्ड ट्रम्पले संघीय जागिरबाट निकालेका धेरै अश्वेत महिलाहरूमध्ये होस्, किराना सामानको मूल्य घट्ने प्रतीक्षामा रहनु भएकी एकल आमा हुनुहोस्, वा पर्खालमा ढाड सेक्ने अरू कोही,’ शहरको पहिलो मुस्लिम मेयर बनेका ममदानीले भने, ‘अब न्यूयोर्क त्यस्तो शहर हुनेछैन जहाँ तपाईं इस्लामोफोबियाको त्रास देखाएर चुनाव जित्न सक्नुहुन्छ।’
निर्वाचित मेयरले राष्ट्रपतिलाई सिधा आह्वान गर्दै भने – ट्रम्पलाई कसरी हराउने भनेर यदि कुनै शहरले देशलाई देखाउन सक्छ भने, त्यो ‘उनलाई जन्म दिने शहर’ हो ।
यदि कुनै तानाशाहलाई डर देखाउने कुनै तरिका छ भने त्यस्तो परिस्थितिको अन्त्य गर्नुपर्छ जसको कारण उसले सत्ता प्राप्त गरेको होस् । यो मात्र ट्रम्पलाई रोक्ने तरिका होइन, आगामी ट्रम्पहरुलाई रोक्ने तरिका पनि हो ।’
जोडदार तालिका बीच ममदानीले भने, ‘उसो भए डोनाल्ड ट्रम्प, किनभने मलाई थाहा छ, तपाईंले हेरिरहनु भएको छ, मसँग तपाईंका लागि चार शब्द छन्, ‘टर्न द भोल्यूम अप’ आवाजको तीव्रता अझ बढाउनुहोस् ।
सञ्चार माध्यम द गार्जियनका अनुसार मध्यराति ममदानी कुओमोभन्दा ८ प्रतिशत बढी अङ्कले अघि थिए । यो परिणामले जून महिनामा भएको प्राइमरी इलेक्सन विजयीपश्चात् प्रजातान्त्रिक समाजवादी धारको आश्चर्यजनक प्रगति देखाउँछ भने अत्यधिक धनराशि खर्च गरेर स्वतन्त्र उम्मेदवारी पेश गरेका कुओमोको प्रतिष्ठामा नाटकीय गिरावट देखाउँछ ।
ममदानीले मंगलबार राति समर्थकका अघि आफ्ना प्रमुख नीतिको फेहरिस्त सुनाए । उनले ट्रम्पको एजेण्डासँग कसरी प्रतिस्पर्धा गर्नेसमेत बताए । अर्बपति वर्गलाई फाइदा पुग्ने भ्रष्टाचारको संस्कृतिको अन्त्य, श्रम सुरक्षाको विस्तार र युनियनका साथ उभिने योजना ममदानीले सुनाए ।
उनले भने, ‘न्युयोर्क प्रवासीको शहर भइरहनेछ । प्रवासीद्वारा निर्मित, प्रवासीद्वारा सञ्चालित र आज रातिदेखि एक प्रवासीको नेतृत्वमा । तसर्थ राष्ट्रपति मेरो कुरा ध्यानपूर्वक सुन्नुहोस्, हामीमध्ये कोही एकसम्म पुग्नका लागि तपाईंलाई हामीसबैसँग भएर अघि बढ्नुपर्ने हुन्छ ।’ ममदानीले थपे, ‘जब हामी ५८ दिनमा सिटी हलमा प्रवेश गर्नेछौं, त्यतिबेला अपेक्षा धेरै नै हुनेछ । हामी त्यसमा खरो रुपमा उत्रने छौं ।
ममदानीको अनुमानित जित मंगलबार राति डेमोक्रेट्सको कयौं जितमध्ये एक थियो । मिकी शेरिललाई न्युजर्सीको गभर्नरका रुपमा निर्वाचित गरिएको थियो । र एबिगेल स्पेनबर्गर भर्जिनियाकी पहिलो महिला गभर्नर निर्वाचित भएकी थिइन् ।
ट्रम्पले मंगलबार अबेर राति ट्रुथ सोसलमा डेमोक्रेटिक पार्टीको जितमाथि प्रतिक्रिया दिँदै सांसदसँग आग्रह गरेका थिए, उनीहरु तुरुन्त फिलिबस्टर (मतदानलाई ढिलाइ गर्न वा रोक्न प्रयोग गरिने रणनीति) लाई समाप्त गर्दै मतदान अधिकार सुधार पारित गर्नका लागि अगाडि बढ्नुहोस् ।
जब ममदानी बोलिरहेका थिए, उनले राष्ट्रपति ट्रम्पलाई आवाज बढाउन अनुरोध गरिरहेका थिए त्यसको केही समयपछि ट्रम्पले ट्रुथ सोसलमा एउटा रहस्यमय नोट पोस्ट गरे- …एण्ड सो इट बिगिन्स् ! …र यसरी यो सुरु हुन्छ !
Leave a Reply