पाकिस्तानी गुप्तचर अपरेशनमा भारत प्रायोजित आतङ्ककारी मारिएको दाबी

काठमाडौं । पाकिस्तानी सुरक्षा बलले बलुचिस्तानको कलात जिल्लामा सञ्चालन गरेको गुप्तचर–आधारित अपरेशन (आईबीओ) मा चार भारत प्रायोजित आतङ्ककारी मारिएको खबर छ ।

इन्टर– सर्भिसेज पब्लिक रिलेसन्स (आईएसपीआर) द्वारा जारी एक विज्ञप्तिमा जनाइएअनुसार नोभेम्बर १ को राति सुरक्षा बलहरुले भारतीय प्रोक्सी फितना अल हिन्दुस्तानका आतङ्ककारीहरू रहेको सूचनापछि गुप्तचर अपरेशन सञ्चालन गरिएको थियो ।

पाकिस्तानभित्रको आतङ्कवाद र अस्थिरताका लागि भारतको कथित भूमिकालाई उजागर गर्न राज्यले बलुचिस्तानमा आधारित समूहहरूलाई फितना अल–हिन्दूस्तान भन्दै आएको पाकिस्तान समाचार संस्था डनले जनाएको छ ।

On 2 November 2025, three khwarij belonging to Indian Proxy Fitna Al Khwarij were killed in two separate engagements in Khyber Pakhtunkhwa Province.

Movement of a group of khwarij, opposite general area Esham, North Waziristan District, who were trying to infiltrate through… pic.twitter.com/o3FHp8uenA

— DG ISPR (@OfficialDGISPR) November 4, 2025

‘अपरेशन सञ्चालनको क्रममा सेनाले आतङ्ककारी रहेको स्थानमा प्रभावकारी आक्रमण गर्यो र फलस्वरुप चार भारतीय प्रायोजित आतङ्ककारीलाई नर्क पठायो ।’ जारी विज्ञप्तिमा भनिएको छ, ‘धेरै आतङ्कवादी गतिविधिमा संलग्न आतङ्ककारी मारिएका छन्, उनीहरूबाट हतियार र गोला बारुद पनि बरामद गरिएको छ ।’

‘यस क्षेत्रमा भेटिएका अन्य कुनै पनि भारतीय प्रायोजित आतङ्कवादीलाई हटाउन स्यानिटाइजेशन अपरेशनहरू सञ्चालत भइरहेको छ,’ विज्ञप्तिमा भनिएको छ, ‘सुरक्षा बल र कानून प्रवर्तन एजेन्सीहरूले देशबाट विदेशी प्रायोजित र समर्थित आतङ्कवादलाई मेटाउन काम जारी राख्नेछ ।’

पाकिस्तान राष्ट्रपति आसिफ अली जरदारीले आतङ्ककारीहरूलाई समाप्त पारेकामा सुरक्षा बलहरूलाई बधाई दिए । उनले सामाजिक सञ्जाल एक्समा पोस्ट गरेका छन् । ‘अपरेशन अज्म–ए–इस्तेहकाम अन्तर्गत आतङ्कवादलाई जरैदेखि उखेल्ने दृढ संकल्पमा राष्ट्र आफ्नो सेनाका साथ दृढतापूर्वक उभिएको छ ।’

President Zardari paid tribute to Security Forces for eliminating four Indian-sponsored terrorists in Kalat. He said the nation stands firmly with its forces in their resolve to root out terrorism under Operation Azm-e-Istehkam.

— The President of Pakistan (@PresOfPakistan) November 4, 2025

प्रधानमन्त्री शेहबाज शरीफले पनि सशस्त्र सेनाको प्रशंसा गरेका छन् । उनले मातृभूमिको रक्षा गर्न अटल संकल्पका साथ सम्पूर्ण राष्ट्र उनीहरुको समर्थनमा उभिएको बताएका छन् । खैबर पख्तुनख्वामा दुई छुट्टाछुट्टै कारबाहीमा कम्तीमा तीन आतङ्ककारी मारिएको आईएसपीआरले बताएको एक दिनपछि यो घटना भएको हो ।

डनले पाकिस्तानमा आतङ्कवादी हमलाहरूमा वृद्धि भएको उल्लेख गरेको छ । विशेष गरी केपी र बलुचिस्तानमा प्रहरी, कानून प्रवर्तक कर्मचारी र सुरक्षा बललाई लक्षित गरिएको छ । प्रतिबन्धित तहरीक–ए–तालिबान पाकिस्तानले सन् २०२२ मा सरकारसँगको युद्धविराम सम्झौता उल्लंघन गरेपछि यस्ता घटना घट्दै आएको उल्लेख गरिएको छ ।