पाकिस्तानले गोप्य रुपमा परमाणु परीक्षण गरिरहेको ट्रम्पको दाबी

काठमाडौं । अमेरिकी राष्ट्रपति डोनाल्ड ट्रम्पले एक अन्तर्वार्ताका क्रममा पाकिस्तानले गोप्य रुपमा परमाणु परीक्षण गरिरहेको बताएका छन् ।

रुस, चीन र उत्तर कोरियाजस्ता शक्तिहरुसँग तालमेल गरिरहनका लागि पनि अमेरिकाले परमाणु परीक्षण पुनः सुरु गर्ने बताए ।

आइतबार सीबीएस न्युजको कार्यक्रम ६० मिनेटमा साक्षात्कार गर्दै ट्रम्पले तीन दशकभन्दा बढी समयदेखि अमेरिका परमाणु परीक्षणबाट टाढा रहेको बताए । उनले पाकिस्तानसहित कयौं देशले भूमिगत रुपमा परमाणु परीक्षण जारी रहेको दाबी गरे ।

‘हामी पनि परीक्षण गर्छौं किनभने उनीहरुले पनि परीक्षण गर्छन् ।’ ट्रम्पले भने, ‘निश्चित रुपमा उत्तर कोरियाले परीक्षण गरिहेको छ । पाकिस्तान पनि परीक्षण गरिरहेको छ । तपाईंलाई यस बारेमा बताइँदैन । उनीहरु भूमिगत परिक्षण गर्छन् । जहाँ मान्छेलाई थाहा हुँदैन त्यहाँ के भइरहेको छ, मात्र तपाईंलाई थोरै कम्पन महसुस हुन्छ ।’

Trump just dropped the full 73-minute unedited version of his 60 Minutes interview, claiming the network “cut too much.”

Watch the raw footage yourself and decide. pic.twitter.com/GHnJLpdDuB

— Brian Allen (@allenanalysis) November 3, 2025

अमेरिकी राष्ट्रपतिले पाकिस्तानमाथि टिप्पणी गरेको पहिलो पटक भएको हिन्दुस्तान टाइम्सले उल्लेख गरेको छ ।

अमेरिकी परमाणु परीक्षणमाथि ३० वर्षदेखि लाग्दै आएको रोकलाई समाप्त गर्ने आफ्नो निर्णयलाई बचाउ गर्दै ट्रम्पले भने, ‘यसलाई रोक्ने अमेरिका मात्रै एउटा देश रहिरहन सक्दैन ।’

उनले रुस र चीनले परमाणु परीक्षण गरिरहेको बताए । उनले भने, ‘हामी मात्र परीक्षण नगर्ने एउटा मात्र देश हौं । र, म एक्लो त्यस्तो देश बनाउन चाहान्न, जो परीक्षण गर्दैन ।ं’