बेलायतमा शृङ्खलाबद्ध चक्कु प्रहार, १० जना अस्पतालमा, दुई संदिग्ध पक्राउ

काठमाडौं । लण्डनतर्फ गइरहेको रेलमा १० जना यात्रुमाथि छुरा प्रहार भएको छ । पूर्वी इङ्ल्याण्ड भएको यो घटनामा दुई जनाको अवस्था गम्भीर रहेको प्रहरीले जनाएको छ । अधिकारीहरुले यसलाई एउटा पृथक घटना भएको जनाएका छन् ।

शनिबार घाइते भएका १० मध्ये ९ जनाको अवस्था जोखिममा रहेको बताएको थियो । आइतबार बेलायती यातायात प्रहरीका सुपरिटेन्डेन्ट जोन लभलेसले तीमध्ये चार जनालाई डिस्चार्ज गरिएको बताएका छन् ।

आक्रमणकारी दुई जनालाई पक्राउ गरिएको छ । समाचार संस्था अलजजिराका अनुसार डोनकास्टरबाट लन्डन किङ्स क्रसका लागि साँझ ६ः२५ बजेको सेवामा रहेको रेलमा धेरै व्यक्तिमाथि छुरा प्रहार गरिएको खबर आएपछि क्याम्ब्रिजसायर प्रहरीले जनाएको छ ।

The appalling incident on a train near Huntingdon is deeply concerning.

My thoughts are with all those affected, and my thanks go to the emergency services for their response.

Anyone in the area should follow the advice of the police.

— Keir Starmer (@Keir_Starmer) November 1, 2025

प्रहरीलाई उद्धृत गर्दै अलजजिराले लेखेको छ– सशस्त्र अधिकारीहरु उपस्थित भएर र रेललाई हन्टिङडनमा रोकियो, जहाँ दुई जना पुरुषहरुलाई पक्राउ गरियो ।

रक्षामन्त्री जोन हेलीले आइतबार बेलायतको स्काई न्युजलाई बताएअनुसार लन्डन जाने रेलमा भएको घटनापछि जनतामा व्यापक खतरा देखिएको छैन । प्रारम्भिक मूल्याङ्कनअनुसार यो एक पृथकतावादी घटना थियो र एकान्तमा गरिएको आक्रमण थियो ।

प्रधानमन्त्री केयर स्टारमरले घटनालाई ‘चिन्ताजनक’ र ‘भयानक’ भनेका छन् । गृहमन्त्री शबाना महमूदले आफू दुःखी भएको प्रतिक्रिया दिएकी छन् ।

सन् २०२४ मा उत्तरपश्चिम इङ्ल्याण्डको साउथपोर्टमा भएको घटनापछि सामाजिक सञ्जालमा फैलिएको अफवाह रोक्न सरकार केन्द्रित छ । तीन युवतीको हत्या भएको इन्टरनेटमा दाबी गरिएको थियो । र देशमा दिनभर दंगा भएको थियो ।

एकजना प्रत्यक्षदर्शीले ठूलो चक्कु बोकेको मानिस देखेको बताए । द टाइम्स पत्रिकाले मानिसहरु शौचालयमा लुकेका बेला जताततै रगत देखिएको उल्लेख गरेको थियो । अर्का प्रत्यक्षदर्शीले स्काई न्यूजलाई बताएअनुसार एक संदिग्धलाई प्रहरीले हिरासतमा लिएको थियो।