काठमाडौं । नेपाल विद्युत प्राधिकरणका पूर्वप्रबन्ध निर्देशक डा. मुकेश काफ्लेले २५ वटा उद्योगमा बत्तीको लाइन काटिँदा दैनिक न्यूनतम २५० देखि अधिकतम ४ सय मेगवाटसम्मको बिजुली खेर गइरहेको दाबी गरेका छन् ।
काफ्लेले सामाजिक सञ्जाल एक्समा प्राधिकरणको वित्तीय रिपोर्ट समेत विश्लेषण गर्दै देशले ठूलो राजश्व गुमेर व्यवसायिक वातावरण समेत बिग्रिएको बताएका छन् । काफ्लेका अनुसार विद्युत प्राधिकरणले दैनिक ६ करोड रुपैया आम्दानी गुमाइरहेको र देशले हार्ने खेल भइरहेको टिप्पणी गरेका छन् ।
काफ्लेका अनुसार प्राधिकरणले बत्ती काट्दा ४० हजार श्रमिक बेरोजगार खुने जोखिम बढेको बताएका छन् । उनका अनुसार प्राधिकरणसँग कुल ३७ सय १७ मेगवाट जडित क्षमता रहेको छ । त्यसमध्ये ११ सय मेगावाट भारत र बंगलादेशमा निर्यात हुन्छ ।
असोज महिनामा २३ सय मेगावाट नेपालभित्र पिक लोडको समयमा खपत हुने गरेकामेमा अहिले उद्योगमा बत्ती काटिएपछि त्यो घटेर १९ सय मेगावाटमा झरेको छ ।
Leave a Reply