काठमाडौं । नेपाली कांग्रेस बागमती प्रदेश सभापति इन्द्र बानियाँले मंसिरमा नियमित वा विशेष कुनै महाधिवेशन गर्न सम्भव नहुने बताएका छन्। जारी केन्द्रीय समिति बैठकमा आफ्नो धारणा राख्दै महाधिवेशनबारे परिपक्व निर्णय गर्नुपर्ने बताए।
बागमती प्रदेशका मुख्यमन्त्री समेत रहेका बानियाँले भने, ‘अहिले नियमित कि विशेष महाधिवेशन भन्ने बहस भइरहेको छ। विशेष महाधिवेशनको प्रस्ताव भएको तीन महिनामा गर्नुपर्ने हुन्छ। तर, मंसिरमा महाधिवेशन हुने सम्भावना देखिँदैन।’
उनले क्रियाशील सदस्यताको प्रगति हेर्दा नियमित गर्नसक्ने कुनै आधार नभएको बताए। अहिले मिति तोकेर कार्यान्वयन गर्न नसक्दा राम्रो सन्देश नजाने भन्दै केन्द्रीय समिति परिपक्व निर्णय गर्नुपर्ने बताए।
Leave a Reply