काठमाडौं । नेपाली कांग्रेस केन्द्रीय कार्यसमितिको बैठक सानेपास्थित पार्टी कार्यालयमा केही बेरमा सुरु हुँदैछ । बैठकअघि कार्यलय परिसरमा कडा सुरक्षा तैनाथि गरिएको छ ।
जेनजी आन्दोलनमा पिटिएका सभापति शेरबहादुर देउवा त्यसयता पहिलोपटक पार्टी बैठकमा सहभागी हुन लागेकाले सुरक्षा कडा बनाइएको हो । अहिले कार्यालयको गेट बाहिर बाक्लो संख्यामा सुरक्षाकर्मी खटिएका छन् । साथै, कांग्रेसका भातृ संगठन तरुण दल र नेविसंघका कार्यकर्ता पनि सुरक्षा दिने भन्दै उभिएका छन् ।
कांग्रेस नेताहरु बैठकमा आउने क्रम सुरु भएको छ । सुरक्षा संवेदनशीलता भन्दै केन्द्रीय सदस्यहरुलाई कार्यलयभित्र गाडी लैजान दिइएको छैन । उनीहरुले अन्यत्रै गाडी पार्क गरेर आउनुपर्ने छ । पत्रकारहरुलाई पनि कडाइ गरिएको छ । सबैजना देउवाको पर्खाइमा छन् ।
Leave a Reply