एन्फा अध्यक्षलाई असन्तुष्ट पक्षले भन्यो- फुटबलप्रति आस्था र चिन्ता नभए राजीनामा दिनुस्

काठमाडौं । अखिल नेपाल फुटबल संघ (एन्फा) का वरिष्ठ उपाध्यक्ष वीरबहादुर खड्कासहितले अध्यक्ष पंकज नेम्वाङको राजीनामा मागेका छन् ।

वरिष्ठ उपाध्यक्ष खड्कासहित उपाध्यक्ष विराटजंग शाही, सदस्यहरू रुपेश अधिकारी र रविन चन्दले सोमबार पत्रकार सम्मेलन गर्दै अध्यक्ष नेम्वाङले नेपाली फुटबललाई माया मारेर विदेश गएको बताए ।

वरिष्ठ उपाध्यक्ष खड्काले फुटबलप्रति चिन्ता नभए राजीनामा दिन सुझाए ।

‘उहाँलाई नेपालको बारेमा चिन्ता नै छ । उहाँ साउदी अरब पुगिसक्नुभयो । वरिष्ठ उपाध्यक्षलाई उहाँले जानकारी गराउनुभएको छैन,’ उनले भने, ‘यदि तपाईं फुटबल नगर्ने हो भने देखि, तपाईंलाई फुटबलप्रति आस्था, चिन्ता छैन भनेपछि राजीनामा दिनुस् ।’