शेयर धितो कर्जाको सीमा हटेपछि लगानीकर्ता उत्साहित, २२.५९ अंकले बढ्यो बजार 

काठमाडौं । नेपाल राष्ट्र बैंकले २५ करोडको शेयर धितो कर्जाको एकल ग्राहक कर्जा सीमा हटाएसँगै लगानीकर्ताहरू उत्साहित बनेका छन् । शेयर लगानीकर्ताहरूले लामो समयदेखि सीमा हटाउन माग गर्दै आएकोका राष्ट्र बैंकले उनीहरूको माग सम्बोधन गरिदिएपछि बिहीबारको बजार दोहोरो अंकले बढेको हो ।

नेपाल स्टक एक्सचेञ्ज (नेप्से) परिसूचक २२.५९ अंकले बढेर २ हजार ५ सय ८२ दशमलव १८ विन्दुमा बन्द भएको हो । यस दिन ५ अर्ब २७ करोड ३२ लाख २१ हजार रुपैयाँ बराबरको कारोबार भएको छ ।

आजको कारोबारमा २०० कम्पनीको शेयरमूल्य बढ्दा ४१ वटाको घटेको छ । १० कम्पनीको शेयरमूल्य स्थिर रहेको छ ।

आजको कारोबारमा विन्ध्यवासिनी हाइड्रोपावर कम्पनीका लगानीकर्ताहरूले सर्वाधिक कमाउँदा थ्री स्टार हाइड्रोपावरका लगानीकर्ताले धेरै गुमाए ।