काठमाडौं । सरकारले स्थापना गरेको भौतिक पूर्वाधार पुनर्निर्माण कोषमा सूर्यज्योति लाइफ इन्स्योरेन्स कम्पनीले एक करोड पचास लाख आर्थिक सहयोग गरेको छ ।
जेनजी आन्दोलनको क्रममा आगजनी र तोडफोडमा क्षति भएको भौतिक संरचनाको पुनर्निर्माण, आर्थिक पुनरुत्थान र राहत लगायतका कार्यका लागि नेपाल सरकारले कोष स्थापना गरेको थियो ।
कम्पनीका प्रमुख कार्यकारी अधिकृत प्रकाश विक्रम खत्रीले आज अर्थमन्त्री रामेश्वर खनाल मार्फत कोषमा सहयोग गरेका हुन् ।
उक्त कोषमा योगदान गरी राष्ट्र पुनर्निर्माणको अभियानमा सूर्यज्योति लाइफ इन्स्योरेन्स कम्पनी सहभागी भएको हो । कम्पनीबाट नेपाल सरकारले स्थापना गरेको राष्ट्रिय वाणिज्य बैंक स्थित खाता एक करोड पचास लाखको चेक हस्तान्तरण गरेको हो ।
संस्थागत सामाजिक उत्तरदायित्व अन्तर्गत विविध प्रकारको सहयोग गर्दै आइरहेको र हालको अवस्थामा समेत नेपाल सरकारले स्थापना गरेको कोषमा सहयोग गरेको हो ।
Leave a Reply