सुनको मूल्य तोलामै दुई लाख ३३ हजार नाघ्यो 

काठमाडौं । नेपाली बजारमा सुनको मूल्य तोलामै दुई लाख ३३ हजार नाघेको छ । नेपाल सुनचाँदी व्यवसायी महासंघका अनुसार आज सुनको मूल्य प्रतितोला २ लाख ३३ हजार १ सय रुपैयाँ कायम भएको छ ।

आजको सुनको मूल्य हालसम्मकै उच्च हो । आइतबार सुनको मूल्य २ लाख ३० हजार ६ सय पुगेको थियो । आज बढेर सुनको मूल्यले नयाँ रेकर्ड कायम गरेको महासंघले जनाएको छ ।

त्यस्तै, आज चाँदीको मूल्य प्रतितोला २ हजार ९६० रुपैयाँ तोकिएको महासंघले जनाएको छ ।