नेपालको होली वाइन काण्डकी प्रमुख कोरियामा पक्राउ, प्रथम महिलालाई घुस दिएको आरोप

काठमाडौं । नेपालमा होली वाइन काण्डका रूपमा चर्चित प्रकरणमा जोडिएकी एक क्रिश्चियन धर्मप्रचारक संस्थाकी प्रमुख हान अक जा पक्राउ परेकी छन् । दक्षिण कोरियामा राजनीतिक र व्यापारिक फाइदा पाउन राष्ट्रपतिकी पत्नीलाई महँगा उपहार र घुस दिएको आरोप लागेको विवादास्पद यूनिफिकेशन चर्चकी प्रमुख पक्राउ परेको रोयर्टसले जनाएको छ ।

हान हाक-जको नेतृत्वमा रहेको सो चर्चमाथि तात्कालिन राष्ट्रपति यून सुक यउलकी पत्नी किम गन हीलाई दुईटा महँगा शेनल ब्रान्डका ब्याग र एउटा हीराको हार दिएको आरोप लागेको छ। ती सामानको मूल्य ८ करोड वोन अर्थात नेपाली ८२ लाख रुपैया पर्छ ।

सो चर्चका संस्थापक सन म्यङ मूनकी पत्नी हानले घुस खुवाएको आरोप बारम्बार खण्डन गर्दै त्यसलाई “झुटो“ भन्दै आएकी थिइन् । युनिफिकेशन चर्चले अदालतको आदेश मान्य रहेको जनाएको छ ।

सो चर्चसँग जोडिएका एकनाथ ढकालको अगुवाइमा नेपालमा गिरिजाप्रसाद कोइराला,माधवकुमार नेपाल, केपी शर्मा ओलीलगायतका नेता प्रधानमन्त्री भएका बेला विवादस्पद कार्यक्रम आयोजना भएका थिए । पछिल्लोपटक ओली प्रधानमन्त्री भएका बेला सोल्टी होटलमा भएको कार्यक्रममा होली वाइन खुवाइएको विषय विवादमा परेको थियो ।