सिंहदरबारमा आन्दोलनका घाइतेको बबण्डर, सुधन गुरुङले जेनजीको बदनाम गरेको आरोप (भिडिओ)

काठमाडौं । जेनजी आन्दोलनका घाइतेहरूको विरोध र नाराबाजीले आज दिनभरजसो सिंहदरबार अस्तव्यस्त बनेको छ । सुरूमा छिर्न नपाएका उनीहरू दक्षिण गेटअगाडि धर्ना बसेका थिए । आलो घाउ लिएर पुगेका युवाहरूको हातमा अस्पतालको रिपोर्ट देखिन्थ्यो । केही बैशाखीको सहारामा पुगेका थिए ।

दिनभर सिंहदरबारको मुख्यद्वार बाहिर बसेर प्रधानमन्त्री सुशीला कार्कीसँग भेट गरेका जेनजी आन्दोलनका घाइतेहरूले प्रधानमन्त्री कार्यालयबाहिरै अवसरवादी मुर्दावादको नाराबाजी गरेका छन् । आफूहरू जेनजी आन्दोलनको घाइते भए पनि सुधन गुरुङलगायत १० जना अवसरवादी र नक्कली आन्दोलनकारी सरकार गठनमा हाबी भएको आरोप उनीहरूले लगाएका छन् ।

आफूले खुट्टामा गोली खाएको देखाउँदै प्रधानमन्त्री कार्यालयबाहिर मिडियासँग बोलेकी एक आन्दोलनकारी युवतीले मृतक र घाइतेका परिवारलाई बेवास्ता गरेर अवसरवादीले सरकार गठन गरेको बताइन् । उनले जेनजीको नाम खराब गर्ने काम सुधन गुरुङले गरेको आरोप लगाइन् ।

आफूहरू अस्पतालमा भएका बेला विभिन्न व्यक्तिले जेनजी आन्दोलनको नेतृत्वको दाबी गरे पनि उनीहरू नक्कली आन्दोलनकारी भएको आरोप उनीहरूको थियो ।

हेर्नुस् भिडिओ

यो पनि पढ्नुहोस्

सिंहदरबार छिर्न नदिएपछि गेटमा धर्ना बसे जेनजी आन्दोलनका घाइते (तस्बिरहरू)