तुइनखोलाको पहिरो रोकियो- आज साँझसम्म सडक खुलाउने तयारी

चितवन । तुइनखोलामा खसेको पहिरो पन्छाउने काम लगातार गर्न पाउँदा नारायणगढ र मुग्लिनतर्फको बाटो देखिन थालेको छ ।

डिभिजन सडक कार्यालय भरतपुरको नारायणगढ-मुग्लिन सडक हेर्ने इन्जिनियर अर्जुन घिमिरेका अनुसार केहीबेर यता पहिरो खसेको छैन ।

दुवैतर्फबाट लगातार पहिरो पन्छाउन पाएको कारण सडकमा थुप्रिएको पहिरो घट्दै गएको छ ।

उनले आज साँझसम्म पहिरो पन्छाएर एकतर्फी भए पनि सडक सञ्चालन गर्ने गरी काम गरिएको जानकारी दिए ।

उनले अहिले पहिरो नखसेकोले यही अवस्था रहेमा आज साँझसम्म बाटोमा रोकिएका यात्रुलाई गन्तव्यमा पठाउने गरी पहिरो पन्छाउन काम गरिरहेको जानकारी दिएका छन् ।