चितवनको तुइनखोलाको पहिरोले ढुंगा खस्दा माइक्रोमा लाग्यो, जामले यात्रु अलपत्र

काठमाडौं । चितवनको ईच्छाकामना गाउँपालिकास्थित तुइनखोला नजिकै पहिरो खस्दा सवारीसाधन र यात्रुहरु रोकिएका छन् । शुक्रबार साँझ उक्त सडक खण्डमा ढुंगा खस्दा माइक्रोमा लागेको पनि यात्रुहरुले बताएका छन् । गुडिरहेकाे माइक्राेमा लाग्दा अगाडिकाे भागकाे सिसा फुटेकाे छ भने कुनै पनि मानवीय क्षति भने भएकाे छैन ।

बाटो अवरुद्ध बनेपछि अघिदेखि सवारी जाम बढेको छ । पूर्वपश्चिम राजमार्ग हुँदै काठमाडौं जाने र आउने यात्रु एवम सवारी साधन अलपत्र परेका छन् ।

पहिरो पन्छाएर जाम खुलाउने प्रयास जारी रहेको चितवन प्रहरीले जानकारी दिएको छ ।