काठमाडाैं । ललितपुर महानगरपालिका–२४ धापाखेलमा क्रिकेट एकेडेमी संचालनमा आउने भएको छ । करिब पाँच रोपनी क्षेत्रफलमा फैलिएको जम्पर क्रिकेट एकेडेमी क्रिकेटप्रेमी युवाहरुले संचालनमा ल्याएका हुन् ।
३ करोड लगानीमा निर्माणाधीन यस एकेडेमीको ब्राण्ड एम्बेसडर नेपाली राष्ट्रिय क्रिकेट टिमका विकेटपिर तथा ब्याट्सम्यान आसिफ शेख रहने लगभग पक्कापक्की भएको बताइएको छ । एकेडेमी संचालनमा ल्याउने टिमका एक सदस्यका अनुसार आसिफसँग सबै फाइनल भइसके पनि कागजी सम्झौता हुन भने बाँकी छ । यो सम्झौता पनि छ्टिटै हुने उनले बताए ।
एकेडेमीमा तीनवटा नेट संचालनमा रहनेछन् । जसमध्ये रातो माटोको टर्फ विकेट, एस्ट्रो टर्फ विकेट र सिमेन्ट विकेट संचालनमा रहनेछन् । साथै इन्डोर र आउटडोर ट्रेनिङका साथै साप्ताहिक रुपमा आउटडोर खेलहरु समेत उपलब्ध हुनेछन् ।
एकेडेमी आउँदो कात्तिकको पहिलो साताबाट औपचारिक रुपमा संचालनमा आउनेछ ।
Leave a Reply