अर्थमन्त्रीले दिए करदातालाई राहत, कर भुक्तानीको समय एक महिना थपियो

काठमाडौं । सरकारले विभिन्न कर तथा शुल्क भुक्तानीको म्याद थप गरेको छ । अर्थ मन्त्रालयले व्यवसायी तथा करदाताहरूलाई राहत प्रदान गरेको हो ।

जेन जी आन्दोलनका कारण देशभरि कर्फ्यु तथा निषेधाज्ञा लागू भएकोले कर तिर्ने प्रक्रियामा अवरोध आएको भन्दै करदाताहरूले म्याद थपको माग गर्दै आएका थिए । मन्त्रालयले एक महिनाका लागि समय थप गरिदिएको हो ।

मूल्य अभिवृद्धि कर, अन्तःशुल्क, शिक्षा सेवा शुल्क, तथा विलासिता शुल्कको विवरण र दाखिला गर्ने म्याद असोज २५ गतेसम्म थप गरिएको छ। यस्तो कर भदौ २५ गतेसम्म दाखिला गर्नुपर्ने व्यवस्था थियो ।