काठमाडौं । नेकपा एमालेका निवर्तमान सांसदहरू सिंहदरबार पुगेर त्यहाँका क्षतिग्रस्त संरचना अवलोकन गरेका छन् ।
आज दिउँसो १५ जना जति निवर्तमान सांसद सिंहदरबार पुगेका थिए । जेनजी आन्दोलनपश्चात उत्पन्न विषम राजनीतिक परिस्थितिका कारण भेटघाटसमेत हुन नसकेको भन्दै एमालेका सचिवसमेत रहेका गोकर्ण विष्टले जमघटका लागि हिजो आव्हान गरेको बताइएको छ ।
आज सामूहिक भेटपछि उनीहरुले २४ गते प्रदर्शनकारीको विध्वंसबाट भग्नावशेषमा परिणत भएको सिंहदरबारभित्रका पूर्वाधार अवलोकन गरेका छन् ।
सहभागी एक नेताका अनुसार सोक्रममा क्षतिग्रस्त मन्त्रालय, कांग्रेस, एमालेलगायतका दलको कार्यालय अवलोकन गरिएको थियो ।
उनले भने, ‘पछिल्लो समय असामान्य परिस्थितिका कारण हाम्रो भेट भएको थिएन । आज एक अर्कासँग भेटघाट र समान्य कुराकानी भया । त्यहाँको क्षतविक्षत संरचना हेर्दा निशब्द भयौं । आँसु आउने अवस्था थियो ।’
एमाले सचिव योगेश भट्टराई, ठाकुर गैरे, सुनिता बराल, सुहाङ नेम्वाङलगायतका करिब १५ जना सांसद सहभागी थिए । सिंहदरबारमा जुटेको यो टोली त्यसपछि त्यासल पुगेको थियो ।
Leave a Reply