काठमाडौं । भारतको झारखण्डस्थित हजारीबाग जिल्लामा सुरक्षा बलको अप्रेसनमा माओवादी नेता सहदेव सोरेन मारिएका छन् । माओवादी नेता सहदेवको नाममा सरकारले १ करोडको इनाम तोकेको थियो ।
समाचार संस्था पिटिआईका अनुसार पछिल्ला चार दिनमा जनयुद्धरत माओवादी विद्रोहीका चार जना केन्द्रीय नेता मुठभेडमा मारिएका छन् । एक जना केन्द्रीय सदस्यले आत्मसमर्पण गरेका छन् ।
भारतको केन्द्र सरकारले ३१ मर्च २०२६ सम्म देशबाट माओवादीको सफाया गर्ने डेडलाइन तोकेअनुसार लगातार अप्रेसन चलिरहेको छ । यसबीचमा नेता बालकृष्णको समेत हत्या भइसकेको छ । यसैबीच माओवादी केन्द्रीय सदस्य पोथुला पद्मावती उर्फ सुजाताले तेलंगानामा आत्मसमर्पण गरेकी छन् ।
गृहमन्त्री अमित शाहले भारतलाई माओवादीबाट मात्र नभएर कम्युनिस्ट मुक्त देश बनाउने घोषणा गरेका छन् ।
Leave a Reply