काठमाडौं । तीन मन्त्रीको शपथ कार्यक्रममा सहभागी हुन राष्ट्रियसभाका अध्यक्ष नारायण दाहाल पनि सहभागी भएका छन् । यसअघि प्रधानमन्त्री सुशीला कार्कीको शपथ कार्यक्रममा नगएका अध्यक्ष दाहाल मन्त्रीको शपथमा पुगेका हुन् ।
शीतलनिवासमा शपथ सकिन लागेको छ । प्रधानमन्त्री कार्कीले आइतबार तीनजना मन्त्री नियुक्त गरेकी थिइन् ।
अर्थमन्त्रीमा रामेश्वर खनाल, गृहमन्त्रीमा ओमप्रकाश अर्याल र ऊर्जा मन्त्रीमा कुलमान घिसिङले शपथ लिँदै छन् ।
अर्यालले गृहसहित कानून र घिसिङले ऊर्जासहित भौतिक पूर्वाधार र शहरी विकास मन्त्रालयको समेत जिम्मेवारी दिइएको छ ।
शपथ कार्यक्रममा पूर्वप्रधानमन्त्री समेत रहेका नेसपा नयाँ शक्तिका अध्यक्ष डा. बाबुराम भट्टराई पनि पुगेका छन् । बाबुरामबाहेक अरू कुनै दलका नेताहरू शपथ कार्यक्रममा सहभागी छैनन् । बाबुराम प्रधानमन्त्रीको शपथमा पनि पुगेका थिए ।
Leave a Reply