काठमाडौं । नेकपा एमालेका नेता तथा पूर्वमन्त्री गोकुल बास्कोटाले पार्टी कार्यालयहरू पुननिर्माणभन्दा पहिले पार्टी नेतृत्वको पुनर्गठन अनिवार्य रहेको प्रष्ट पारेका छन् । निरन्तर सांकेतिक ढंगले नेतृत्व बहिर्गमनको माग गरिरहेका बास्कोटाले अध्यक्ष केपी शर्मा ओलीले अब छाड्नुपर्ने बताए ।
तपाईँले एमालेको अध्यक्षबाट केपी शर्मा ओली हट्नुपर्छ भन्न खोजेको हो ? भन्ने नेपाल प्रेसको प्रश्नमा बास्कोटाले भने-अब अरु कुनै तरिकाबाट वा कोही उफारेर हुँदैन, नेतृत्व परिवर्तन हुनुपर्छ र समाजलाई कन्भिन्स गर्न सक्ने व्यक्तित्वको नेतृत्वमा एमालेलाई अघि बढाउनुपर्छ ।
बास्कोटाले पार्टीको कुनै वैधानिक फोरम आयोजना गरेर नेतृत्व परिवर्तन गर्न सकिने र तर त्यो ढिला गर्न नहुने पक्षमा आफूले नेताहरूसँग पनि कुरा गरिरहेको बताए । बास्कोटाले आजै पनि सामाजिक सञ्जालमार्फत् छिटो तर सुविचारित निर्णय गरी पार्टी पुनर्गठन गर्न आह्वान गरेका छन् ।
Leave a Reply