निषेधाज्ञा अवधिको विद्युत महशुलमा छुट तथा थप दस्तुर समायोजन हुने

काठमाडौं ।नेपाल विद्युत प्राधिकरणले उपभोक्ताहरूलाई थप सुविधा प्रदान गर्ने निर्णय गरेको छ। आइतबार निषेधाज्ञा अवधिको विद्युत महशुलमा छुट तथा थप दस्तुर समायोजन कार्यकारी निर्देशकस्तरीय निर्णय गरेको हो ।

भदौ २३ र २४ गते देशभरि भएका प्रदर्शन तथा आन्दोलनका कारण अधिकांश जिल्लाहरूमा निषेधाज्ञा तथा कर्फ्यू आदेश जारी गरेको थियो।

प्रदर्शन / आन्दोलनबाट उत्पन्न परिस्थितिका कारण प्राधिकरणका महशुल काउन्टरहरू निर्वाधरूपमा सञ्चालन गर्न सम्भव नभएको हुँदा, आम उपभोक्तालाई महशुल तिर्न असहज भएको थियो।

साे परिस्थितिलाई मध्यनजर गर्दै  २४ देखि असाेज २ सम्म (१० दिन) उपभोक्ताले पाउनु पर्ने Rebate / penalty को सुविधाको लागि M-Power Billing System मा Holiday Setup गर्ने निर्णय  गरेकाे प्राधिकरणले जनाएकाे  छ ।  यस अवधिमा न तिर्ने उपभोक्ताहरूलाई कुनै जरिवाना लाग्ने छैन ।

साथै उक्त अवधिमा काउण्टरबाट महशुल भुक्तानी गर्ने उपभोक्ताले बुझाएको रकममा समेत समायोजन गर्न कार्यकारी निर्देशकस्तरीय निर्णय भएकोले सो अनुसार  गराउन  भनेकाे छ ।

प्राधिकरणले देशभरका सम्बन्धित कार्यालय तथा शाखाहरुलाई उक्त निर्णय कार्यान्वयन गर्न निर्देशन दिइसकेको छ।