काठमाडौं । नेपाल राष्ट्र बैंकका गभर्नर प्रा.डा. विश्वनाथ पौडेलले राष्ट्रिय वाणिज्य बैंकको नयाँ बानेश्वर शाखाको अवलोकन गरेका छन् । जेन जी आन्दोलनकाक्रममा लुटपाट भएको राष्ट्रिय वाणिज्य बैंकको नयाँ बानेश्वर शाखाको गभर्नर पौडेलले आइतबार स्थलगत अवलोकन गरेका हुन् ।
गभर्नर पौडेलले उक्त शाखामा आन्दोलनका क्रममा पुगेको क्षतिको अवस्थाबारे स्थलगत जानकारी लिएका छन् । अवलोकनमा गभर्नरसहित बैंकका प्रमुख कार्यकारी अधिकृत देवेन्द्र रमण खनाल लगायत बैंकका कर्मचारीको उपस्थिति थियो ।
जेनजी प्रदर्शनको फाइदा उठाउँदै नयाँ बानेश्वरमा रहेको राष्ट्रिय वाणिज्य बैंकमा आन्दोलनकारीले लुटपाट मच्चाएका थिए । बैंकमा भएको पैसा लुट्न थालेपछि सुरेश देउलाले भिडिओ खिच्न थालेपछि लुटपाट मच्चाएका एक व्यक्तिले पैसा छाडेर भागेका थिए ।
ललितपुरको ललितपुर महानगरपालिका वडा न. ११ बस्ने ३७ वर्षीय देउलाले ५ लाख १० हजार ५ सय रकम आज जिल्ला प्रहरी परिसरमा बुझाइदिएका हुन् । उनले ५ सय दरको नोट ५ लाख र खुद्रा १० हजार ५ सय रुपैयाँ जिल्ला प्रहरी परिसर ललितपुरमा बुझाएका हुन् ।
लुटपाटमा संलग्ने केही व्यक्तिलाई नेपाली सेनाले नियन्त्रणमा समेत लिएको छ ।
Leave a Reply