काठमाडौं । अष्ट्रेलियाका ब्याटर क्रिस लिनले सुदूरपश्चिम रोयल्सबाट नेपाल प्रिमियर लिग (एनपीएल) को दोस्रो संस्करण खेल्ने पक्का भएको छ ।
सुदूरपश्चिम शुक्रवार सामाजिक सञ्जालमार्फत विदेशी खेलाडीको रूपमा क्रिसलाई भित्राएको जानकारी दिएको हो ।
सन् २०१४ देखि २०१८ सम्म अष्ट्रेलियाका लागि खेलेको क्रिसले १८ खेलको १६ इनिङमा २९१ रन बनाएका छन् ।
उनीसँग विविएलसहित इन्डियन प्रिमियर लिग, पाकिस्तान सुपर लिगसहितका विश्वका चर्चित लिग खेलेको अनुभव छ । पहिलो संस्करणमा सुदूरपश्चिम रोयल्स उपविजेता बनेको थियो ।
Leave a Reply