काठमाडौं । चीनका राष्ट्रपति सी जिनफिङले मानव भाग्यको साझा समुदाय निर्माणमा सबै मुलुक सहभागी हुनुपर्नेमा जोड दिएका छन् ।
विजय दिवसको सैन्य परेड समारोहमा बोल्दै उनले चिनियाँ कम्युनिष्ट पार्टीको यो नयाँ नीति विश्वका समाजवादी र कम्युनिष्टहरुलाई समेत सन्देशका रुपमा सुनाएका हुन् ।
उनको भाषणको मूल भाव र विचारधारात्मक विषय कम्युनिष्ट पार्टीको नीतिसँग मेल खाने चिनियाँ नेताहरुले बताएका छन् । राष्ट्रपति सीले मानव भाग्यको साझा समुदाय, वैश्विक न्याय र समानता, हेजमोजिम र एकपक्षीयताको विरोध गरेका छन् जुन चिनियाँ कम्युनिष्ट पार्टीको नीति हो ।
राष्ट्रपतिले चीन सधैं शान्तिको पक्षमा रहेको र एकपक्षीय विश्वको विरोधमा रहेको समेत बताएका छन् । उनले राष्ट्रसंघसहित बहुपक्षीय संस्थाहरुको भूमिका बलियो बनाउनुपर्नेमा जोड दिएको सिन्ह्वाले जनाएको छ ।
Leave a Reply