राज्य व्यवस्था समितिमा न्यौपाने आएपछिको पहिलो बैठक सुरु, सभापतिकै छेउको आसनमा रामहरि

काठमाडौं । राज्य व्यवस्था तथा सुशासन समितिका सभापतिमा इश्वरीदेवी न्यौपाने आएपछिको पहिलो बैठक सुरु भएको छ । समितिको सभाहल सिंहदरबारमा अहिले दिउसो ३ बजेबाट बैठक सुरु भएको हो । समितिको बैठकमा समितिको सभापतिबाट राजिनामा दिएका तत्कालीन सभापति रामहरी खतिवडा पनि सहभागि छन् ।

समितिको बैठकमा समिति सभापति न्यौपानेको छेउमै रामहरी खतिवडा बसेका छन् । उनले आफ्नो कार्यकालमा भएका गतिविधिसँगै नवनिर्वाचित सभापति न्यौपानेलाई शुभकामनासँगै सफल कार्यकालको शुभकामना समेत बैठकमा दिएका छन् ।

समितिको आजको बैठकमा राज्य व्यवस्था तथा सुशासन समितिको अहिलेसम्मको कामकारबाहीको समीक्षा र विविध विषयमा छलफल गर्ने कार्यसूची छ ।