नेपाल ‘ए’ र आसामबिचको निर्णायक खेल आज

काठमाडौं । नेपालको ‘ए’ टिमले भारतको आसाम टिमसँग पाचौं तथा अन्तिम टी–२० खेल खेल्दैछ । उक्त खेल भारतको गुवाहाटीमा साँझ ५ बजेबाट सुरु हुनेछ ।

उक्त खेल सिरिजको निर्णायक खेल हो । यो खेलमा जित निकाल्ने टोलीले सिरिज आफ्नो पक्षमा पार्नेछ । दुवै टोलीले अघिल्लो दुई दुई खेलमा जित निकालेका छन् । पहिलो खेलमा आसामले नेपाललाई डीएलएस पद्धतिबाट १५ रनले पराजित गरेको थियो ।

नेपालले दोस्रो खेलमा ९६ र तेस्रो खेलमा ९ रनले विजयी भएको थियो। चौथो खेलमा आसाम १८ रनले विजयी भएको थियो । नेपालको ‘ए’ टिमले भारतको आसाम टिमसँग ५ खेलको टी–२० सिरिज खेलेको छ ।