झलनाथ-घनश्याम पक्षको भेलामा झाँक्रीको पनि इन्ट्री

काठमाडौं । शान्तिनगरस्थित बानेश्वर क्याम्पसमा जारी नेकपा एसका असन्तुष्ट नेताको भेलामा पूर्वमन्त्री रामकुमारी झाँक्रीको इन्ट्री भएको छ ।

डा. विजय पौडेल, जीवनराम श्रेष्ठ, हरि पराजुली, धर्मराज निरौला, हिरेन्द्र शाहीसहितका नेता शुरुदेखि नै त्यहाँ छन् । अपराह्न पौने ४ बजे झाँक्री बैठकमा पुगेपछि त्यहाँ रौनक नै फेरिएको एक सहभागीले नेपाल प्रेसलाई बताए ।

पार्टीमा अध्यक्ष माधवकुमार नेपालको मनोमानीपूर्ण कार्यशैली र अहंकारी व्यवहारका कारण पार्टी विघटन उन्मुख भएको ती नेताले चर्चा गरिरहेका छन् । नेपालले भित्रभित्रै पार्टी माओवादीलाई बुझाउने गरी वार्ता अगाडि बढाएको भन्दै ती नेताले असन्तुष्टि राखेका छन् ।