आजबाट नाजिर हुसेन अभिनित ‘गुन्यो चोलो’ प्रदर्शनमा, हलमा अरु कुन-कुन नेपाली चलचित्र छन् ?

काठमाडौं । चलचित्र ‘गुन्यु चोलो : द ड्रेस’ प्रदर्शनमा आएको छ । देशभर ९० बढी शोसहित यो चलचित्र आजबाट प्रदर्शनमा आएको हो ।

‘गुन्यो चोलो’ संगै अहिले हलहरुमा थप तीन चलचित्रहरु पनि प्रदर्शनमा छन। अभिनेता केदार प्रसाद घिमिरे (माग्ने बुढा) मुख्य भुमिकामा रहेको चलचित्र ‘माग्नेराजा’ र अर्का अभिनेता विजय बराल मुख्य भुमिकामा रहेको चलचित्र ‘जनै हराएको मान्छे’ दोश्रो हप्तामा चलिरहेको छ भने नायक पल शाह अभिनित ‘मोहर ले प्रदर्शनको चौथो हप्ता टेकेको छ। गत हप्ताहरुबाट रिलिजमा आएका यी तिनैवटा चलचित्रको अकुपेन्सी मध्यम छ।

आजबाट प्रदर्शनमा आएको ‘गुन्यु चोलो’लाई निर्देशक समुन्द्र भट्टको निर्देशन गरेकी हुन । यो चलचित्र लैंगिक अल्पसंख्यक पारालैंगिक पात्रको कथामा बनेको छ । चलचित्रमा अभिनेता नाजिर हुसेन मुख्य भूमिका छन भने उनले चलचित्रमा पारालैंगिक महिला अर्थात ट्रान्सवुमनको भूमिका निर्वाह गरेका छन् ।

नाजिरसँगै चलचित्रमा सञ्चिता लुइँटेल, सुशील सिटौला, राजकुमार घोष, शिशिर राणा, अनुपम श्रेष्ठ र विशाल पहारीको महत्वपूर्ण भूमिका छ। नेपालको पहिलो पूर्णरूपको ट्रान्स स्टोरीमा निर्मित यो चलचित्रको अन्तर्राष्ट्रिय वितरण अधिकार अमेरिकाको बफेलो एट्लेले किनेको छ ।

चलचित्रको सम्पूर्ण पोस्ट प्रोडक्सनको काम बाहिर गरिएको छ। नेपाली फिल्म प्रोडक्सन हाउस र हलिउड फिल्म प्रोड्क्सन हाउसको संयुक्त कोल्याबोरेसनमा बनेको चलचित्रमा आकाश बुढाथोकी र भि–भन्से जानुबोनको लगानी छ। यो चलचित्र केही समयअघि अमेरिकाको प्रतिष्ठित तस्वीर फिल्म मार्केटमा पनि छनोट भएको थियो ।