प्रेम, अपहरण र फिरौतीको वरिपरि घुमेको ‘अभिमन्यु : च्याप्टर–१’ को ट्रेलर सार्वजनिक

काठमाडौं । चलचित्र ‘अभिमन्यु : च्याप्टर–१’को ट्रेलर सार्वजनिक भएको छ । आज काठमाडौंमा एक कार्यक्रमको आयोजना गर्दै निर्माण टिमले चलचित्रको ट्रेलर सार्वजनिक गरेको हो ।

ट्रेलरले चलचित्रको कथा खुलाएको छ । प्रेमको नाटक, अपहरण र फिरौतीको वरिपरि ट्रेलर घुमेको छ । प्रेमको नाटक गरेर अपहरण गरी, उसकै बाउसँग फिरौती रकम माग्ने युवकको कथा चलचित्रमा रहेको ट्रेलरले देखाएको छ ।घरबारविहीन एक युवकले पैसाका लागि केसम्म गर्न सक्छ भन्ने कुरा ट्रेलरले समेटेको छ ।

चलचित्रमा कामेश्वर चौरासिया मुख्य भुमरीमामा छन् । कामेश्वरका अलावा चलचित्रमा सरिता गिरी, गौमाया गुरुङ, लक्ष्मी बर्देबा, शिशिर वाङ्देल, किरण श्रेष्ठ, प्रकाश दाहाल लगायतका कलाकारको अभिनय छ। भदौ २७ गते रिलिज हुने यो चलचित्रको हिन्दी भर्सन असोज ६ अर्थात् अर्थात् सेप्टेम्बर २२ मा रिलिज हुनेछ ।

सेभेन सिज सिनेमाको प्रस्तुतिमा निर्माण भएको चलचित्र ‘अभिमन्यु’लाई सुशान्त गौतमले निर्देशन गरेका छन् । मुकेश खनालको लेखन रहेको चलचित्रको निर्माता विनोद पौडेल र गुञ्जन गिरी हुन् ।