रामकृष्ण ढकालको ‘मालती मंगले’ को शुभ मुहुर्त, विजय–वर्षासहित कोको छन् कलाकार ?

काठमाडौं । लोकप्रिय गायक राम कृष्ण ढकालले निर्माण गर्न लागेको चलचित्र ‘मालती मंगले’ को आज शुभ मुहुर्त गरिएको छ । रानी म्युजिक इन्टरनेसनल प्रा.लि.को ब्यानर र युनी इन्टरटेनमेन्टको सहकार्यमा निर्माण हुने चलचित्रको आज कोटेश्वर महादेवस्थान मन्दिरमा शुभ मुहुर्त गरिएको हो ।

भाद्र १४ गते देखि छायांकन सुरु हुने चलचित्र ‘मालती मंगले’ मा अभिनेता विजय बराल, अभिनेत्री वर्षा राउत, सुवर्ण थापा, मेक्सम गौडेल, प्रकाश घिमिरे, सरिता गिरी, सुस्मा निरौला, सुनिल तामाङ, उमेश सुनाम, शकु शाह, सुचित्रा उप्रेती, दिनेश जङ्ग ठकुरी, रिजन परियार, सागर भट्टराईलगायत कलाकारहरू रहेका छन ।

चलचित्रमा पटकथा तथा संवाद लेखन संयोग गुरागाईंको रहेको छ । मालती मंगले’लाई प्रकु पाण्डेयले निर्देशन गर्न लागेका हुन् । चलचित्रको छायांकन तनहुँ र स्याङ्जाका विभिन्न स्थानमा हुने छ । चलचित्रको कार्यकारी निर्माता सागर ज्ञवाली रहेका छन् । सहनिर्माता रविन श्रेष्ठ र बाबु सुवेदी रहेको फिल्ममा हरि लम्साल, राजनराज सिवाकोटी, उज्वल सागरको संगीत रहनेछ। ‘मालती मंगले’ पारिवारिक प्रेमकथामा बन्न लागेको हो ।