काठमाडौं । अभिनेत्री सुरक्षा पन्त मुख्य भुमिकामा रहेको चलचित्र ‘कोशेढुङ्गा’ ले युनिभर्सल सर्टिफिकेट ‘यू सर्टिफिकेट’ पाएको छ। सेन्सर बोर्डले आज, यो चलचित्र सबै वर्गका दर्शकले हेर्न मिल्ने बताउँदै युनिभर्सल सर्टिफिकेट दिएको हो ।
केन्द्रीय चलचित्र जाँच समितिबाट युनिभर्सल सर्टिफिकेट प्राप्त गरेको यो चलचित्रको रनटाइम २ घण्टा २२ मिनेट १९ सेकेण्ड छ । चलचित्रमा सुरक्षा पन्तको अलावा आर्यन सिग्देल, प्रवीण खतिवडा, ऋचा शर्मा र निति शाह मुख्य भुमिकामा छन्।
‘कोशेढुङ्गा’ अलटाइम ब्लकबस्टर चलचित्र ‘पूर्णबहादुरको सारंगी’ का निर्देशक सरोज पौडेलले निर्देशन गरेका हुन। यो चलचित्रको तीज गीत ‘नत्र भने जिन्दगी व्यर्थ छ’ अहिले सामाजिक संजाल, विशेषत टिकटकमा भाइरल छ।
चलचित्रको आज काठमाडौंस्थित सिभिल मलमा रहेको क्युएफएक्समा पृमियरको आयोजना गरिएको छ भने चलचित्र यहीँ शुक्रबार, भदौ १२ गतेबाट प्रदर्शनमा आउँदैछ। निर्देशक सरोज पौडेलकै कथा रहेको चलचित्रको निर्मातामा प्रेबिल कँडेल र किशोर अनुराग छन् । कार्यकारी निर्मातामा भने दिनेश खड्का छन् ।
Leave a Reply