कवि दोस्ताजको ‘यो पागल दुनियाँ’ को ट्रिजर सार्वजनिक (भिडियो)

काठमाडौं । कवि दोस्ताजको आधुनिक नेपाली गीत ‘यो पागल दुनियाँ’को ट्रिजर सार्वजनिक गरिएको छ । प्रसाईँ फिल्म्सको प्रस्तुतिमा बनेको उक्त गीतको ट्रिजर सोही यूट्यूब च्यानलमा सार्वजनिक गरिएको हो ।

दोस्ताजको शब्दमा निर्माण भएको गीतमा स्वर रवि शर्माको रहेको छ । संगीतमा रवि शर्मा र दोस्ताज दुवैको संयुक्त योगदान छ भने म्युजिक प्रोड्युसर पुष्कर खत्री रहेका छन् । गीतको रेकर्डिङ रियाज प्रोडक्सनमा भएको हो । गीतलाई साजन शाहले मिक्स गरेका छन् ।

गीतमा सञ्जय ढुङ्गाना र ईश्वरी बरालको मुख्य अभिनय रहेको छ । भिडियोलाई विकास प्रसाईँले निर्देशन गरेका हुन् । सम्पादन पनि उनले नै गरेका छन् भने कलरिङ कल्पेश विश्वकर्माले गरेका छन् ।

कथाको कन्सेप्ट विकास प्रसाईँ र अदित्य ठकुरीले मिलेर तयार पारेका हुन् । भिडियोलाई छायांकन सुमन गहतराजले गरेका छन् ।

गीतमा सह-निर्माताका रुपमा प्रविन आचार्य छन् भने निर्माता वर्षा सिंह ठकुरी, गोविन्द खड्का र बाबु कृष्ण प्रासाई रहेका छन् ।

भिडियोमा सहयोगी कलाकारका रूपमा कृष्ण घिमिरे, कुशल घिमिरे, यज्ञनिधि शर्मा, सुलभ शर्मा र सुनिल शर्माको पनि अभिनय देख्न सकिन्छ ।

मार्मिक कथा बोकेको गीत सोही च्यानलमा यही भदौ १२ गते सार्वजनिक हुने बताइएको छ ।

https://youtu.be/c3hsTspCoqQ