चीनलाई गोप्य सूचना बेचेको अभियोगमा अमेरिकी जलसेनाका नाविक दोषी ठहर

काठमाडौं । अमेरिकी नौसेनाका एक नाविक चीनलाई गोप्य जानकारी बेचेको आरोपमा दोषी ठहर भएका छन् ।

क्यालिफोर्नियामा तैनाथ २५ वर्षीय नावक जिनचाओ वेईलाई ६ वटा अभियोगमा दोषी ठहर गरिएको सीएनएनले जनाएको छ ।

उनीमाथि जासूसीको षडयन्त्र गरेको तथा अमेरिकी नौसेनाका जहाजसँग सम्बन्धित गोप्य डाटाहरू गैरकानूनी तरिकाबाट चीनलाई बेचेको आरोप लगाइएको छ ।

उनलाई एकजना चिनियाँ एजेन्टले सोसल मिडियाबाट आफ्नो पक्षमा सामेल गरेको आरोप छ ।

उनीमाथि अमेरिकी सेनाको सदस्यको हैसियतमा उनीमाथि देशले गरेको भरोसामाथि गम्भीर घात गरेको अभियोगमा दोषी ठहर गरिएको अमेरिकी सरकारी वकिलले जनाएका छन् ।