घनश्याम भुसालको टिप्पणी- नयाँ भ्रष्ट जिन्दावाद, पुराना भ्रष्ट मुर्दावाद भन्ने नारा पपुलर हुँदैछ (भिडिओ)

काठमाडौं । नेकपा एकीकृत समाजवादीका महासचिव घनश्याम भुसालले अहिले राजनीतिमा नैतिकताको खडेरी परेको बताएका छन्।

राजनीतिमा निष्ठा र नैतिकता विमर्श कार्यक्रमलाई सम्बोधन गर्दै नैतिकताको प्रश्न सत्तासँग जोडिएको बताए।

उनले भने, ‘अहिले नेपाली राजनीतिमा नयाँ भ्रष्ट जिन्दावाद, पुरानो भ्रष्ट मुर्दावाद भन्ने नारा पपुलर भइरहेको छ। अहिलेको राजनीतिक प्रचारको नारा नयाँ भ्रष्ट जिन्दावाद, अनि हामी पुरानाहरूले रैथाने भ्रष्ट जिन्दावाद भन्न खोजेको हो कि? सहरमा तर्क छैन। अहिले राजनीतिमा तर्क हरायो। यस्ता तर्कले काम गरेर मुलुक विभाजित भएको छ।’

उनले शितलनिवास, बालुवाटार र सर्वोच्च अदालतमा सेना नभए यिनीहरूको हालत के होला? भन्दै प्रश्न गरे। उनले आजको नैतिकताको व्याख्या पुँजीले गर्ने बताए।