माओवादीको चेतावनी : कांग्रेस-एमालेको दुई दलीय व्यवस्थाको मिसन जनताले पूरा गर्न दिँदैनन् (भिडिओ)

काठमाडौं । नेकपा माओवादी केन्द्रका कांग्रेस र एमाले देशमा दुई दलीय व्यवस्थाको अवधारणामा अघि बढेको आरोप लगाएको छ।

प्रतिनिधि सभाको बैठकमा बोल्दै उपमहासचिव शक्ति बस्नेले नेपालमा दुई दलीय व्यवस्थाको अवधारणा सैद्धान्तिक र व्यवहारिक रूपमा पनि उपयुक्त नहुने बताए।

उनले भने, ‘कांग्रेस र एमाले दुई दलीय व्यवस्थाको मिसनमा हिँडेको देखिन्छ। नेपालमा दुई दलीय व्यवस्थाको अवधारणा सैद्धान्तिक र व्यवहारिक रूपमा पनि उपयुक्त छैन। यो दुई दलीय व्यवस्थाको मिसन अन्ततः एक दलीयमा पुग्ने होला र प्रमुख दुई दलमध्ये त्यो अवसर कसले प्राप्त गर्नुहुनेछ ? त्यो उहाँहरूले नै सोचिराख्नुभएको होला।’

उनले कांग्रेस एमालेको दुई दलीय व्यवस्थाको अवधारणा जनताले पूरा गर्न नदिने बताए।