राप्रपा सांसद कार्कीको अभिव्यक्ति रेकर्डबाट हटाउन सूर्य थापाको माग

काठमाडौं । नेकपा एमालेका सांसद सूर्य थापाले राष्ट्रिय प्रजातन्त्र पार्टीकी सांसद रोशन कार्की गालीगलौजमा उत्रिएको भन्दै उनको भनाइ रेकर्डबाट हटाउन माग गरेका छन्।

प्रतिनिधि सभाको बैठकमा बोल्दै सांसद कार्कीले कांग्रेस एमालेका सांसदहरूले खाली कागजमा सही गरेको भन्दै धिक्कार होस् भन्दै कटाक्ष गरेकी थिइन्।

लगत्तै थापाले उठेर भने, ‘उहाँले खाली कागजमा सही गराएको भनेर लाञ्छनापूर्ण अभिव्यक्ति दिनुभएको छ। यो रेकर्डबाट हटाउनुपर्छ। हामी मण्डले तन्त्रविरुद्ध लडेर आएका सार्वभौम जनताका प्रतिनिधिहरू हौँ। हामी जनताबाट निर्वाचित हौँ।’

उनले आफूहरूले जानेर बुझेर नै सही गरेको जवाफ फर्काए।