वैज्ञानिकहरूको अनौठो प्रयोग: गीत बजाएर लामखुट्टे मार्दै !

काठमाडौं । एक जर्नलमा प्रकाशित रिपोर्ट अनुसार नेदरल्याण्ड्समा वैज्ञानिकहरूले लामखुट्टे मार्न १५ वर्ष पुरानो गीत बजाइरहेको पाइएको छ । यो गीत अमेरिकी गायक स्क्रिलेक्सको हो । जुन गीत सुनेर लामखुट्टेहरू विचलित हुन्छन् र रगत पिउन र प्रजनन गर्न छोड्छन्।

यसले डेंगु र जिका जस्ता रोगहरूको जोखिम पनि कम गर्न सक्ने बताइएको छ।

‘एक्टा ट्रोपिका’ जर्नलमा प्रकाशित रिपोर्टका अनुसार एडिस एजिप्टी नामक लामखुट्टेमा प्रयोग गरिएको थियो। वैज्ञानिकहरूले भोका लामखुट्टेहरू भएको पिंजडामा ह्याम्स्टर राखेका थिए।

एक ठाउँमा शान्त वातावरण थियो। अर्को ठाउँमा स्क्रिलेक्सको गीत बजिरहेको थियो। लामखुट्टे शान्त कोठामा ३० सेकेन्डमा ह्याम्स्टरलाई आक्रमण गर्न थाले भने गीत बजिरहेको कोठामा धेरै ढिलो आक्रमण गरे।

वैज्ञानिकहरूका अनुसार लामखुट्टेले पखेटाको आवाज मिसाएर कुराकानी गर्छन्। स्क्रिलेक्सको गीतको आवाजले यो आवाज बिगार्छ। यस कारणले गर्दा तिनीहरू भेट्न सकेनन्। अनुसन्धानकर्ताले आशा गरेका छन् कि यो इलेक्ट्रोनिक संगीतले विश्वका लाखौं मानिसहरूको जीवन बचाउन सक्छ। यसले डेंगु र जिका जस्ता रोगहरूलाई फैलिनबाट रोक्न सक्छ।