जनतामा देखिएको असन्तुष्टिको आगो निभाउने तागत कांग्रेससँग मात्रै छ : गगन थापा (भिडिओ)

काठमाडौं । नेपाली कांग्रेसका महामन्त्री गगन थापाले जनतामा देखिएको असन्तुष्टिको आगोको समाधान कांग्रेसले नै खोज्नुपर्ने बताएका छन् ।

पार्टीका शुभेच्छुक संस्था समन्वय विभागको कार्यक्रमलाई सम्बोधन गर्दै केही तत्त्वहरूले असन्तुष्टिको आगोमा मट्टितेल खन्याइरहेको आरोप लगाए ।

उनले भने, ‘हामीले असन्तुष्टिको आगोमा मट्टितेल खन्याएकाहरूलाई चिन्नुपर्छ । हामी संघ, प्रदेश र स्थानीय सरकारमा छौँ। हाम्रो हातमा सत्ता, शक्ति र नेतृत्व छ । हामीले कामबाट असन्तुष्टिको आगोलाई निभाउनुपर्छ । हामीमाथि लागेको अनावश्यक आरोपहरूबारे पनि बताउनुपर्छ। हाम्रो कारणले भइरहका पनि सच्याउनुपर्छ ।’

उनले कांग्रेसभित्र शुद्धीकरण र जागरण आवश्यक रहेको बताए ।

उनले थपे, ‘कांग्रेसमा अहिले देखिएको समस्याको हल दिन्छु भन्ने कुराको आत्मविश्वास चाहिएको छ । हाम्रो पार्टीभित्र ८ लाख सदस्य छ । यतिठूलो परिवार छ । त्यसैले हामीले कांग्रेसलाई पनि सफा गर्नुपर्छ ।’